منتديات البسمة

مرحبا بك في بيتك منتديات البسمة
حفاظا علي حق كل من ساهم تم اخفاء مجموعه من الاقسام يجب عليك الدخول لرؤيتها
و
لايمكنك الاشتراك في المنتدي دون تسجيل
للتسجيل اضغط علي كلمة سجل في الاسفل

مع تحيات إدارة منتديات البسمة

من يبحث عن الامان يتجه نحو الحب و من يبحث عن الراحة يتجه نحو الحب.....شعور لا يستاذن في الدخول الى القلوب.


    رجل اعمال

    شاطر
    avatar
    العالمي
    مشرف
    مشرف

    الجنس : ذكر عدد الرسائل : 242
    العمر : 27
    نقاط : 31456
    تاريخ التسجيل : 05/01/2010

    رجل اعمال

    مُساهمة من طرف العالمي في الثلاثاء فبراير 16, 2010 5:31 pm


    وحدة فتحت جواز سفر جوزها شافت مكتوب عليه رجل اعمال. خربشت عليه وكتبت رجل سعديه.


    مرة واحد قال لواحد انا فنان قاله التانى عظيم بترسم قاله لاء قاله التانى بتغنى قاله لاء فنااااان قاله هايل يبقى بتمثل قاله لاء انا فنان بحط العيش فى الفن


    مرة واحد دماغة لفت قابلها من الشارع التانى*
    مرة واحد نزل محطة الرمل رجله غرزت *
    مره اتنين ضربوابعض بعض اتعور *
    سباك نفسه اتسدت قام مسلكها *
    شرطي مرور خلف واد بيتكلم بالاشارة *
    مرة واحد وقف تاكسى الو رشدى على البحر قاله مشفتهوش*


    مرة ابو العربى ساعه عصارى وهوة قاعد فى الميناء طلبت معاه يروح قبرص يعوم هناك نط فى الفلوكه وفضل يجدف يجدف بورسعيد بتبعد وقبرص تقرب يجدف بورسعيد تبعد وقبرص تقرب المهم وصل ورمى الهلب فى قبرص ونزل يعوم ويبلبط وقبل ما المغرب تتدن قام ناطط فى الفلوكه وفضل يجدف بورسعيد تقرب وقبرص تقرب يجدف بورسعيد تقرب وقبرص تقرب واللى خلق الخلق بيبص لقى نفسه ناسى الهلب فى قبرص وسحبها وراه لبورسعيد


    مرة كان في ماتش بين فريقين حشرات في الشوط الاول في فريق انهزم واحد صفر و الشوط الثاني نزلت أم أربعه و اربعين دخلت 42 هدف بعد الماتش صحفي بيسأل المدرب اللي فاز :ليه مانزلتش أم أربعه و أربعين من أول الماتش ٌقاله:كانت بتربط الجزمة


    إتنين صحاب قاعدين مع بعض في البلكونة
    الأول :واحد وقع من الدور التالت لقى إيه؟
    التاني : مش عارف.
    الأول : لقى حتفه. طب واحدوقع من الدور
    الرابع لقى إيه؟
    التاني : مش عارف.
    الأول : لقى مصرعه. طب واحد وقع من الدور الخامس لقى إيه؟
    التاني : مش عارف.
    الأول : لقى ربه. طب واحد وقع من الدور السادس لقى إيه؟
    التاني :مش عارف.
    الأول:لقى اللي وقعوا قبله.
    التاني راح سايبه ونط من البلكونة


    مرة واحد مخه تعبان شوية معاه كيس فشار ف فشارة وقعت
    من ايده.قالها اطلعى. ماطلعتش, اطلعى, مطلعتش.
    راح رما الكيس كله و قال لهم هاتوها


    واحد بتاع قصب قصبة رجله إتكسرت مصها *
    لاعيب كورة شاط ريحته طلعت *
    كمسارى راح يتجوز لقى المهر ناقص كتب الباقى على دهر التذكرة !!!*


    ولد راح للبقال قال له عندك جبنة رومى قال له أيوه قال له طب إدينى بجنيه حلاوة. تانى يوم جاله نفس الولد قاله عندك عيش فينو قاله أيوه قال له طب إدينى بجنيه عيش بلدى. ثالث يوم جاله نفس الولد وقال للبقال عنك زيتون أسود قاله أيوه قاله طب إدينى بجنيه خيار مخلل.
    البقال زعل جداً وراح يشتكى الولد ده لأبوه وقاله ابنك بيعمل كذا كذا. رد الوالد وقاله :- آه من الولد قليل الأدب ده .. إنت عندك عصاية رد البقال أيوه قاله خلاص إضربه قلمين


    واحد بلدياتنا بيهرج مع مراته فرماها من الدور العاشر فطلعت قالت له والله ما انا لاعبة معاك تانى


    مرة ابن أبو العربي فارد ضلوعه ومش عاجبه حد خالص في الحته بتعته فوقف تحت البيت عنده ونده أمه وقال : ياما ياما... ردت عليه أمه: خير ياواد عاوز ايه .. قالها : كل حاجة تمام عندك ياما . قالتله كله تمام اطلع .قالها يعني محدش قل أدبه عليك النهاردة من العالم دي . قالتله لأ محدش قل أدبه اطلع بقى . قالها : يعني محدش عاكس اخواتي البنات علشان أشرحه النهاردة .قالتله : لأ محدش عاكس اخواتك اطلع . قالها يعني محدش دايقكوا النهاردة . قالتله : لأ محدش دايقنا النهاردة اطلع بقى خلص .قالها طيب مادام كده بقى ولعيلي نور السلم علشان في قطة على السلم


    _________________
    avatar
    أحمد شعبان
    المشرف العام
    المشرف العام

    الجنس : ذكر عدد الرسائل : 2347
    العمر : 25
    نقاط : 37659
    تاريخ التسجيل : 07/03/2009

    رد: رجل اعمال

    مُساهمة من طرف أحمد شعبان في الأربعاء فبراير 17, 2010 6:09 pm

    مكشور يا عالمى


    _________________



    تذكر دائما انك تحتاج إلى دقيقه واحده لتكتشف الشخص المميز..وتحتاج لساعة لتعرف سر تميزه.. والى يوم لكي تحبه بسبب تميزه.. ولكن بعدها تحتاج إلى دهر لكي تنساااااااه......

      الوقت/التاريخ الآن هو الخميس يونيو 21, 2018 11:49 pm